1986 මාර්තු මාසයේ මුලින්ම ෂර්ලොක් හෝම්ස් චරිතය ශ්‍රීමත් ආතර් කොනන් ඩොයිල් විසින් A Study in Scarlet (ලෝහිත පරීක්ෂණය) ලෙස නම්කෙරුණු කතාවට රහස් පරීක්ෂකයෙකු ලෙස ඉදිරිපත්කලා. නමුත් මේ කතාව ප්‍රසිද්ධ කිරීමයත් කොනන් ඩොයිල්ට විශාල පරිශ්‍රමයක් දරන්නට වුනා. කෙසේ හෝ 1890 දී ආරම්භ වුන “The Strand” සඟරාවේ කතෲ තම සඟරාවට ෂර්ලොක් හෝම්ස් කතා ලිවීමට කොනන් ඩොයිල්ට ආරාධනා කලා. මෙයින් අතිශය ප්‍රසිද්ධියට පත්වුන ෂර්ලොක් හෝම්ස් චරිතය නිසා කොනන් ඩොයිල්ට තම වෘත්තියද අතහැරදාන්න වුනා. මෙසේ ආතර් කොනන් ඩොයිල් විසින්
රචනාකල ෂර්ලොක් හෝම්ස් කතා ගණන 60කි. මෙයින් කතා හතරක් දීර්ඝ කතා වේ.
* A Study in Scarlet (1987)
* The Sign of Four (1890)
* The Hound of the Baskervilles (1901- 1902)
* The Vally of Fear (1914-1915)
මීට අමතරව කෙටි කතා 56කි. එම කෙටි කතා 56 කොටස් 6ක් යටතේ වර්ගකර ඇත.
* The Adventures of Sherlock Holmes (1891-1892)
* The Memories of Sherlock Holmes (1892 -1893)
* The Return of Sherlock Holmes (1903- 1904)
* His last Bow (1917)
* Reminiscences of Sherlock Holmes (1908-1913)
* The Case-Book of Sherlock Holmes (1921-1927)
ෂර්ලොක් හෝම්ස්ගේ වාර්තාකරු දොස්තර වොට්සන් ය. දොස්තර වොට්සන් ඉන්දියාවේ සේවය කර ලන්ඩනයට පැමිණිවිට ෂර්ලොක්ව හමුවේ. ෂර්ලොක් හෝම්ස්ට එක් සහෝදරයෙක් සිටී. ඔහු මයික්‍රොසොෆ්ට් හෝම්ස් ය. මයික්‍රොසොෆ්ට් හෝම්ස් ෂර්ලොක් හෝම්ස් වගේම නිරීක්ෂණ මගින් නිගමනයට එළඹීමට දක්ෂ වුනත් තරමක් මිනිසුන් අතරට යොමු නොවන පුද්ගලයෙකි. ෂර්ලොක් හෝම්ස්ගේ ප්‍රධාන හතුරා මහාචාර්ය මොරියාටි ය. මහාචාර්ය මොරියාටි ෂර්ලොක් සමඟ ඇතිකරගන්නා ගැටළුවලින් බොහෝවිට කිසිවෙකුට ජය නොලැබේ. ෂර්ලොක් හෝම්ස්ට මහාචාර්ය මොරියාටි හමුවන්නේ දෙවතාවක් පමණයි. (මගෙ මතකයේ විදිහට) ඒ එක්තරා අවස්ථාවක් මොරියාටිගේ අවසානය ලියවෙන මොහොතක් වෙයි. රහස් පරීක්ෂණ ක්ෂේත්‍රයෙන් සමුගන්නා ෂර්ලොක් හෝම්ස් සසෙක්ස් ප්‍රාන්තයට වී මීමැස්සන් ඇතිකරයි. මෙහිදී හෝම්ස් තමා විසින්ම කතා දෙකක් ඉදිරිපත් කරයි. කෙසේවුවත් එම ෂර්ලොක් හෝම්ස් යොදාගෙන අදටත් නව
නිර්මාණ බිහිවෙමින් පවතී!
